Ish drejtoresha e Tatimeve, Briseida Shehaj është thirrur nga Prokuroria e Shkodrës.
Nuk dihen ende arsyet e thirrjes së Shehaj por ajo është parë teksa ka hyrë sot në dyert e organit të akuzës në këtë qytet, ku ka qëndruar rreth 60 minuta aty ku është marrë në pyetje nga një prokuror.
Pak minuta pasi perfundoi deshmine në Prokurori Shehaj i tha “Panorama Online” se ceshtja per te cilen u thirr ne Shkoder eshte ne hetim dhe nuk mund te jape detaje te tjera.
Vetëm dy muaj pasi mori detyrën e re, si zëvendësministre e Zhvillimit Ekonomik, Briseida Shehaj ka dhënë dorëheqjen pak ditë më parë.
Ajo ka pohuar se e ka dërguar kërkesën për dorëheqje te kryeministri Rama dhe ka thënë se nuk pret emërim tjetër. Zv.ministrja e Ekonomise, nuk është shprehur rreth asyjeve të dorëheqjes së saj, por ka thënë se te gjitha ia kishte renditur kryeministrit ne letren qe i kishte derguar ne fillim te kesaj jave.
Ajo mbante postin e kreut te Tatimeve deri në Shtator të këtij viti. Ish-drejtorja e Tatimeve, Briseida Shehaj duke folur për herë të parë për largimin nga detyra që mbante te Tatimet, në një prononcim për “Panorama.al”, tha se kishte komunikuar me Ramën dy ditë para lëvizjes. “Pas një komunikimi që kam zhvilluar me Kryeministrin Rama, kam pranuar detyrën e re që më është propozuar. Ajo që dua të theksoj është se gjatë këtyre 3 viteve nën drejtim e Drejtorisë së Përgjithshme të Tatimeve, lë pas një sistem të ngritur, i cili ka qenë i suksesshëm në mbledhjen e të ardhurave. Në fund të 8¬mujorit, të ardhurat e realizuara nga Tatimet kanë qenë me rritje 3 miliardë lekë. Detyra e re është një sfidë jo vetëm për mua, por edhe për Qeverinë, pasi puna jonë është puna e një ekipi”, tha atëherë ajo.
