Kristiano Ronaldos, Leo Mesi dhe Antuan Grizman janë tre finalistët për “The Best FIFA Men’s Player Award”, çmimin me të cilin “qeveria” botërore e futbollit rivalizon “Topin e Artë” për futbollistin më të mirë të vitit.
Mes Messit dhe Ronaldos kësaj here është përzgjedhur sulmuesi francez Grizman I cili arriti dy finale por nuk mundi të fitoj asnjë trofe.
Kjo do të jetë e vështirë për sulmuesin e Atletikos pasi të mposhtë këta dy lojtarë duhet të fitosh të gjithë trofetë.
Finalistët u përzgjodhën mes 23 kandidatëve në listën paraprake që ishte shpallur më 4 nëntor. Sikurse treshja finaliste, edhe fituesi do të përzgjidhet nga një votim i kombinuar, ku gjysmën e peshën e zënë kapitenët dhe trajnerët e kombëtareve anëtare të FIFA-s, kurse gjysma tjetër do të ndahet mes votave të publikut dhe atyre të mbi 200 gazetarëve nga mbarë bota. Lojtari i Vitit do të kurorëzohet më 9 janar 2017 në një ceremoni të posaçme më Zyrih.