Gjatë kohës që Kuvendi vazhdonte diskutonte buxhetin e vitit 2017, tre liderët e partive kryesore në vend kishin zgjedhur tre ekrane të ndryshme televizive për të folur për negociatat me BE dhe aktualitetin politik në vend.
Kreu i qeverisë kishte zgjedhur “Top Story” për intervistën e tij ndërsa rivali i tij Basha ishte në “Opinion”, ndërko Meta ishte i ftuar në emisionin ‘Të Paekspozuarit’. Por prapa nuk ka ndenjur as Ben Blushi i cili kishte zgjedhur një tjetër erkan për folur për të ardhmen e LIBRA dhe politikanët e parlamentit shqiptar.
Por mes tyre është zhvilluar edhe një “luftë” në distancë se kush do të thithte më tepër audiencë.
Kjo duket si pjata e parë e një fushate elektorale që pritet të fillojë në shkurt të vitit që vjen dhe duket se ishte nata që ishte zgjedhur për të dhënë mesazhet më të rëndësishme para mesit të dhjetorit, kur Shqipëria pret avancimin ose jo të integrimit në BE.
Emisionet politike të të enjtes mbrëma, aty ku Shqipëria është gati e pakonkurrueshme, ishin këtë herë, me gjasë edhe një formë gare elektorale. MAPO mësoi prej matësve të shikueshmërisë se katër emisionet kishin një ndjekje që kapte gati 60 për qind të audiencës në vend, ndërsa pritej që kjo dalje e njëkohshme të ishte edhe një garë mesazhesh të forta.
