Një person i dënuar nga Gjykata e Apelit Larisa Greqi me burg të përjetshëm është arrestuar nga policia e Elbasanit sot.
Në pranga, sipas burimeve zyrtare është vënë Sajmir Hasalla, 42-vjeç, banues në fshatin Papërr të Elbasanit.
Ai ishte i shpallur në kërkim nga Drejtoria Vendore e Policisë Elbasan pasi ndaj tij Gjykata e Rrethit Gjyqësor Elbasan ka vendosur masën e sigurisë “Arrest me burg”, pas njohjes së Vendimit Penal të Gjykatës Larisa Greqi.
Gjykata e Apelit Larisa Greqi, me vendim penal të formës së prerë e ka dënuar me burgim të përjetshëm dhe me masë administrative 50.000 mijë euro gjobë për veprat penale “Trafikimi i narkotikëve”, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.