Gjykata e Vlorës ka lënë në burg përgjegjësin e sigurimit të firmës së punimeve në Lungomare ndërsa për drejtuesin teknik është vendosur arrest shtëpie për aksidentin ku humbi jetën 18¬vjeçari Kristi Panajoti.
Ndaj Tomorr Cenës u vendos masa e arrest me burg ndërsa për Ilirian Tahmazin u vendos arrest shtëpie.
Sipas prokurorisë firma ndërtuese dhe dy inxhinierët akuzohen për shkelje të rregullave në punë dhe mosrespekim të kontratës. I pranishëm në sallën e gjyqit ka qenë edhe i pandehuri Tomorr Cena. Avokati i Tahmazit, tha se ndalimi është i paligjshëm nga ana e organit të akuzës pasi klienti i tij është paraqitur në polici për të sqaruar me detaje se rregullat e sigurimit teknik janë në rregull. “Nëse do ishin brenda limitit të shpejtësisë nuk do kishte ndodhur aksidenti” tha avokati i tij.
