Deklarata e moderatores Amarda Toska bashkëshortes së Ermal Mamaqit, se ata të dy kanë blerë një vilë miliona euro në një kompleks luksoz në periferi të Tiranës, kanë sjellë reagime të ndryshme të opinionit publik.
Kjo për faktin se kostoja e këtyre vilave janë një çmim shumë të kripur, pasi kushtojnë 500 mijë euro. Kjo është një shifër shumë e lartë për buxhetin familjar të shqiptarëve në këto kohë të sotmet, por nga ana tjetër Ami dhe Ermali, edhe pse të rinj në moshë, e kanë luksin të blejnë një vilë të tillë.
Nuk janë të vetmit personazhe publik që janë zhvendosur në këtë pjesë të kryeqytetit, pasi pranë tyre kanë blerë vilë në kohë të ndryshme, ish-kryeministri Fatos Nano, gazetarët Blendi Fevziu, Arian Çani dhe Armand Shullaku apo dhe botuesi Aleksandër Frangaj etj.
Janë këta pasanikët e Tiranës, që nuk e kanë problem të shpenzojnë deri në 500 mijë euro për një vilë në periferi të kryeqytetit, shkruan shqiptarja .com. Dhe pyetja që shtrohet nga kushdo, por sidomos për ata që e njohin tregun mediatik, përfitimet dhe problemet e kësaj fushe është: Ku i gjejnë paratë gazetarët e Tiranës për të shpenzuar 500 mijë euro për një vilë?
