Policia e Durrësit ka arrestuar një burrë pas sherrit në familje dhe lëndimeve që i ka shkaktuar gruas. Mësohet se Erion Bregasi, 35 vjeç i ka hedhur gruas së tij F. Bregasi, 32 vjeçe një tenxhere me ujë të nxehtë në kokë.
Sipas të dhënave zyrtare familja Bregasi, burri me origjinë nga Përmeti dhe gruaja nga Kavaja jetonte në Spitallë dhe gjatë ditës së sotme ata janë konfliktuar me njeri-tjetrin duke përdorur të gjitha mjetet shtëpiake si armë.
Gruaja i ka kërkuar llogari burrit, ku i ke harxhuar paratë dhe e ka qëlluar me pjata e filxhanë 35-vjeçarin. Por nga ana tjetër burri ka marrë tenxheren me ujë të nxehtë dhe ia ka hedhur gruas në kokë.
Uji i nxehtë i ka rënë në fytyrë dhe në kurriz gruas duke pësuar djegie por jo të shkallës së rëndë. Të dy kanë përfunduar në spital, 35-vjeçari me hematoma, ajo me djegie. Ata kanë marrë mjekimin ndërsa më pas policia ka prerë fletë-arrestin për burrin, kurse gruaja ka shkuar në shtëpi.
