Gjatë një takimi të ministrave të Jashtëm të Vishegradit dhe Ballkanit në Varshavë të Polonisë, ministri i Punëve të Jashtme të Kosovës, Enver Hoxhaj është treguar i ashpër ndaj homologut të tij serb Ivica Daçiçit. Numri një i diplomacisë kosovare e ka krahasuar me Sllobodan Milosheviçin sjelljen dhe diskursin e Daçiçit në raport me Kosovën dhe përpjekjet e tij për ta penguar Kosovën në forcimin e shtetësisë dhe integrimit në BE.
“Është një ironi e historisë të shohësh Ivica Daçiçin duke folur për pajtim, një njeri që ka qenë zëdhënës i regjimit të Millosheviçit dhe njeriu i dytë në partinë e tij”, ka thënë Hoxhaj. “Serbia është përgjegjëse për katër luftëra si kundër Sllovenisë, Kroacisë, Bosnjës dhe Kosovës dhe asnjëherë nuk e ka marr përgjegjësinë. Nuk ka pajtim pa marrë përgjegjësi Beogradi”, ka thënë Hoxhaj.
Daçiç në fjalimin e tij më shumë ishte ankuar ndaj BEsë se herë përpiqet ta trajtojë Kosovën si gjoja rast të veçantë e nga ana tjetër këtu në Varshavë e trajton si shtet. Reagimi i Daçiç vjen pas takimit të javës së kaluar të Komitetit të Stabilizim Asociimit KosovëBE në Bruksel. Një hap ky që konfirmon rrugën e integrimit europian të Kosovës.
