Ish-deputeti socialist Ben Blushi, i cili ka formuar edhe partin e tij më të re LIBRA, ka nisur të mendojë për fushatën elektorale për zgjedhjet e ardhshme që do të mbahen në 2017. Përmes një postimi në rrjetin social “Facebook”, Blushi është ndalur tek minimum jetik dhe aplikimi i saj në vendin tonë.
Ben Blushi thekson se në vendin tonë duhet të vendoset një minimum jetik për të gjithë individët, për në shumë rreth 16 mijë lekë të reja. Por Blushi shkon edhe më tej kur nënvizon se këto para, mund të sigurohen mjaft mirë nga koncensionet e panevojshme, shpërdorimet në tatime e dogana, dhe mbi të gjitha të asaj që ai e quan luksokraci.
LUKSOKRACIA PENGON MINIMUMIN JETIK.
“Nje mik i LIBRA që takova sot më pyeti çfarë është Minimumi Jetik? Po e shpjegoj. Minimum Jetik do të thotë që askush ne Shqipëri të mos paguhet nën 16 mijë lekë në muaj, qoftë pension social pa pagesë paaftësie, ndihmë ekonomike, bursë studentore, apo pension pleqërie ne fshat apo ne qytet. Natyrisht në mënyre graduale, sepse nuk mund të aplikohet minimumi jetik menjëherë, por duhet të fillojë dhe te shtrihet ne disa vjet. Ku do i gjejmë fondet? Tek koncesionet e panevojshme, tek shpërdorimet ne dogana dhe tatime, tek ndryshimi i shkallës së taksimit, tek rritja e investimeve të huaja dhe tek eleminimi i Luksokracisë, apo manisë për te blerë manikyr para sapunit! Për të bërë atë që duhet ka gjithmonë para!”, shkruan Blushi.
