Nuk kanë të ndalur mast ekstreme dhe provokimet e policisë greke ndaj emigrantëve shqiptarë. Një tjetër rast i çuditshëm ka ndodhur në doganën e Kakavijës ku një emigrant shqiptar ka dashur të çojë në atdhe 15.000 euro, por ato i janë bllokuar në doganë dhe do t’ia mbajnë në sekuestro deri sa ai të shpjegojë burimin e atyre parave.
Sipas emigrantit shqiptar 15.000 euro ishin kursimet e një jete në emigracion, por sipas ligjit, emigranti duhej t’i deklaronte në doganë, gjë që ai nuk e bëri.
Ato iu gjetën gjatë kontrollit dhe gjithmonë siç përcakton ligji, i mbajtën si gjobë 25% të vlerës, ose 3.700 euro. Pjesën tjetër të parave ai do të mund t’i marrë vetëm pasi të dokumentojë burimin e parave, pra mënyrën se si i ka siguruar ato. Në të kundërt, paratë do të kalopjnë në llogari të shtetit grek.
