Sekretari amerikan i Shtetit, John Kerry i ka dërguar një mesazh urimi Shqipërisë me rastin e 103 vjetorit të shpalljes së Pavarësisë. Në mesazh thuhet se në emër të Presidentit Obama, popullit amerikan dhe Shtetit amerikan, i shpreh urimet më të mira Shqipërisë me rastin e 28 Nëntorit.
“Shqipëria është një forcë në rritje për sigurinë rajonale dhe globale. Shtetet e Bashkuara presin vazhdimin e bashkëpunimit, sidomos në mbështetje të progresit të Shqipërisë drejt anëtarësimit në Bashkimin Evropian”, shkruan sekretari Kerry, në mesazhin e tij me rastin e 28 nëntorit, 104 ¬vjetorit të pavarësisë së Shqipërisë.
“Si një anëtar i NATO-s dhe mentor për vendet e Ballkanit që aspirojnë për anëtarësim, Shqipëria luan një rol të rëndësishëm në promovimin e paqes dhe stabilitetit në rajon dhe në botë. Shtetet e Bashkuara e vlerësojnë shumë kontributin e Shqipërisë për sigurinë globale, nga Afganistani, Iraku, dhe Ukraina, për luftën kundër ekstremizmit të dhunshëm dhe Koalicionin Global kundër ISIS”, thuhet në mesazh.
Në këtë ditë të veçantë,shkruan Kerry unë po dërgoj urimet më të mira për një të ardhme të lumtur, të begatë dhe të sigurt për të gjithë shqiptarët.
