Arrest me burg ka vendosur gjykata e Tiranës për Denis Shmillit, i akuzuar për dhunë në familje dhe veprime të turpshme ndaj fëmijëve të tij.
Me gjithë akuzat e ngritura ndaj tij, ish-ushtar i ISIS-it në Siri, mohoi akuzat duke pretenduar se është e gjitha një sajesë e ish-bashkëshortes që t’i ndalonte takimin me fëmijët.
Shmilli tha para gjykatës se kërkoi të drejtën e takimit me fëmijët se pretendimet e tjera janë sajesa.
Prokurori tha se dëshmitë janë marrë në zbatim të ligjit dhe Shmilli akuzohet për dhunë ndaj ish-bashkëshortes dhe vepra të turpshme ndaj fëmijëve të tij.
Disa vite më parë, Shmilli është arrestuar për mbajtjen pa leje të eksplozivëve, i denoncuar po nga ish-bashkëshortja tashmë.
