Policia e Vlorës ka kapur 206 kg drogë në Zvërnec, e cila ishte gati të nisej drejt Italisë. Sipas të dhënave zyrtare, policia e ka gjetur të braktisur drogën, në zonën e Porto Novës, në afërsi të ishullit të Zvërnecit, rreth 20 metra larg bregut të detit.
Lënda narkotike ishte e ndarë në 9 pako, mbështjellë me qese plastike ngjyrë kafe, e cila u sekuestrua në cilësinë e provës materiale. Mësohet se droga ishte fshehur në pritje të gomones e cila më pas do ta transportonte drejt Italisë.
Policia është vënë në kërkim të gomones dhe autorëve të implikuar në këtë vepër penale.
