Një ngjarje e rëndë ka ndodhur mes dy shtetasve shqiptarë sot në Itali ku njëri prej tyre ka humbur edhe jetën.
Sipas mediave italiane viktima është 43-vjeçari me iniciale G.R. i martuar dhe babai i një djali.
Ngjarja e rëndë ka ndodhur rreth orës 8 të mëngjesit në një fabrikë tekstilesh të braktisur prej kohësh në Cremona, e cila po rindërtohej sërish për t’u rikthyer në gjendje optimale.
Viktima ishte duke punuar në ndërtesë kur është shtypur nga piruni, që drejtohej nga një tjetër shqiptar, i cili edhe ai po punonte në këtë ndërtesë.
Policia mbërriti në vendngjarje dhe ka nisur hetimet për të zbardhur dinamikën e plotë të ngjarjes.
