Britaniku Jenson Button, kampion i botës në vitin 2009, bëri të ditur të enjten se do t’i japë fund karrierës si pilot i Formula 1, të dielën pas garës për Cmimin e Madh në Abu Dhabi, gara e fundit e sezonit.
“Jam menduar shumë se kjo do të jetë gara ime e fundit”, deklaroi Button, pilot i McLaren, në një konferencë shtypi.
Kjo do të jetë gara e tij e 305-të në Cmimet e mëdha të Formula 1, që nga prezantimi i tij i parë në Australi në fillim të vitit 2000, me një Williams me motor BMW.
“Mendoj se kjo është zgjedhja më e mirë që mund të bëja”, theksoi Button, duke spjeguar: “Janë 28 vjet që une jam i pranishëm në sportin e automobilizmit, pra është një udhëtim i gjatë…”
