Policia Italiane ka arrestuar një shqiptar, pasi mbante të fshehur në shtëpi 44 kg marijuanë. Gjithashtu gjatë kontrollit Dorian Metës iu gjet dhe një pistoletë “Berreta” me tetë plumba.
29-vjeçari Meta me banim në Modena u kap pasi policia vërejti disa lëvizje të dyshimta të tij. Pas kësaj, policia ndërhyri duke e arrestuar pavarësisht përpjekjeve të tij për t’ia mbathur. Nga kontrolli në apartamentin e tij 29-vjeçarit iu gjetën gjithashtu edhe 92 gramë kokainë, si dhe pajisje për paketimin dhe përzierjen e drogës, si dhe disa euro false.
Sipas mediave në Itali, Meta ishte një trafikant i madh droge pasi furnizonte me lloje të ndryshme droge të rinjtë.
