Me dorën e fashuar, dhe më vështirësi në lëvizje, miku i Nelgert Patës që u ekzekutua disa ditë më parë, Ari Alinani u paraqit në Gjykatën e Fierit ditën e sotme i shoqëruar nga punonjësit e policisë.
Miku i Nelgert Patës, i cili mbeti i plagosur në atentatin që iu bë në qytetin e Fierit 34-vjeçarit, ka mbërritur në Gjykatën e Fierit e cila do të vendosë për të masën e sigurisë. Nga atentati me 30 plumba mbeti i vrarë në vend i riu nga Tepelena, Nelgert Pata, ndërsa Ari Alilani, i cili drejtonte mjetin, u plagos.
Alinani u arrestua pak ditë pas atentatit, pasi në dëshmitë e tij ishte kontradiktor dhe tani prokuroria dyshon se ai ka informacion të vlefshëm mbi vrasjen, por nuk tregon.
39-vjeçari nga Delvina, i cili ka qenë me Nelgert Patën në momentin e ekzekutimit të tij në Fier, edhe pse ka deklaruar se nuk e njihte atë, por vetëm ka qenë shoferi i Patës në momentin kur ndodhi atentati, policia nuk është bindur dhe ka bërë shoqërimin e tij në komisariat. Mbi të rëndon akuza për “Veprime që pengojnë zbulimin e së vërtetës”.
