Vendimi i Gjykatës greke që dënoi me 30 muaj burg me kusht në mungesë dy shoferët shqiptarë të Ministrisë së Jashtme shkaktoi jo pak indinjatë tek opinioni publik, pasi ata u ndaluan se transportonin libra shqip.
Njëri prej tyre ishte Altin Tafa, por cuditërisht punonjësi i Ministrisë sonë të Punëve të Jashtme nuk duket aspak i indinjuar me autoritetet helene, pasi ka postuar në rrjetet sociale një foto duke puthur flamurin grek, disa muaj më parë.
Tafa nuk është stereotipi që gjithkush kishte imagjinuar pas asaj që ndodhi me policinë greke. Nuk dihet si e ka përjetuar ai ndalimin nga greket, por arrestimi dhe më pas dënimi i shofereve shkaktoi një skandal diplomatik.
Zyrtarët e Ministrisë së Jashtme kërkuan sqarime nga pala greke dhe ngjarja u ndoq në vazhdimësi nga pala jone, pasi të dënuarit ishin punonjës të shtetit shqiptar, pavarësisht ndjenjave për njërin apo tjetrin komb.
Sigurisht që shumë shqiptarë janë ndjerë të prekur nga sjellja e policisë dhe gjykatave greke, por duket se vetë protagonistët e ngjarjes kanë qenë njerëzit më të zhgënjyer nga ajo që bënë grekët, për vete dashurinë që tregojnë në këtë foto.
