Shefi i pavionit të Kardiologjisë në spitalin e Shkodrës është arrestuar nga policia për shpërdorim detyre.
Mjeku Edi Smajlaj akuzohet se hapi kartelë pa motiv për pedagogun e universitetit të Shkodrës, “Luigj Gurakuqi” të arrestuar dy ditë më parë për korrupsion Simon Lufin.
Smajlaj edhe pse nuk ishte në shërbim, hapi kartelën për Lufin, ndaj policia ka ngritur dyshimet se lëvizja u bë për lehtësim mase ndaj pedagogut që ai të mos qëndronte në paraburgim. Pedagogu Simon Lufi vijon të jetë në spital tek kardiologjia.
