Nga Boldnews.al
Emisioni “Tonight” në Ora News ia arriti qëllimi që të tërheq të hënën në mbrëmje jo pak vëmendjen e Rilindjes, me performancën e njërës prej të ftuarëve, Delina Fico dhe të vetë drejtueses Ilva Tare. Të eksituara në maksimum ku njëra hidhte dhe tjetra priste, dyshja histerike shokoi jo vetëm të ftuarit tjerë por edhe publikun që po e ndiqte.
“Ju lutem, nëse e doni këtë qeveri, nëse i doni këta pushtetarë, mos e lejoni Dalina Ficon të dalë e t’i mbrojë në ekran! Ju lutem, nëse doni që populli të jetë më i përmbajtur në të ardhmen!“ – ishte një nga reagimet e gazetarit Artan Rama teksa shihte emisionin “Tonight” nga Ilva Tare.
Duke folur për temën e emisionit “Protestë apo dhunë”, aktivistja për të drejtat e njeriut Dalina Fico shprehej e indinjuar për spërkatjen me salcë që i bën Ministres së Arsimit Lindita Nikolla, ndërsa jo pak herë shihej mimika e fytyrës së saj prej kllouni.
“Vëreni vehten në këpucët e ministres Lindita Nikolla. Ajo është një grua e nderuar, një ish-mësuese e nderuar, një ish-kryetare e minibashkie. Një njeri që nuk ka asnjë lloj agresiviteti. Edhe si feministe jam kundër ngritjes së dorës.”- i thurrte lavde ministres Nikolla, Dalina Fico.
Që në fillim të emisioni dy shoqet Tare-Fico shkëmbyen buzëqeshjet e para. Jo rastësisht, pasi të dyja njihen prej vitesh dhe me mbështetjen e Rilindjes kanë arritur të angazhohen në projekte me donatorë të huaj. Gazetarja Ilva Tare prej disa kohësh po përfiton miliona lekë në një projekt të Ambasadës Amerikane për të trajnuar gazetarët investigativ, pavarësisht se ajo nuk ka patur asnjë eksperiencë të tillë në të kaluarën për këtë fushë.
Po ashtu, shoqja e saj, aktivistja Delina Fico sapo është kthyer nga Shtetet e Bashkuara ku është në një projekt me USAID por e kontraktuar nga kompania “East-West Management Institute” si drejtuese e Shoqërisë Civile. Edhe pjesëmarrja e Ficos në këtë projekt ka dorën e fshehur të ndërhyrjes së Rilindjes së kryeministrit Rama, njëherësh ish bashkëshorti i saj.
Duke u kthyer tek “Tonight”, Delina ambjentohet shpejt në emision dhe merr komanden e pyetjeve. Ajo i drejtohet pedagogut Jani Marka duke i kërkuar llogari sesi i përfaqëson të gjithë studentët në Shqipëri dhe në ç’mënyrë përfitojnë studentët duke i hedhur salcë në kokë ministres. Madje për të bindur audiencën Fico nisi të merrte shembuj vehten e saj duke thënë se ka arritur shumë gjëra.
“Çfarë keni arritur?” – e pyet deputetja e LIBRA, Mimoza Hafizi. Por aktivistja rilindase u bllokua dhe e shkrepi gafën e parë duke e cilësuar sukses arritjen e një ligji për LGBT. Por teksa ishte e ndjeshme për këtë komunitet, Fico nuk foli asnjë fjalë mbështetëse për studentët të cilët kërkonin dije, arsim.
Një pikë kulmore ishte edhe momenti kur u përmend Edi Rama. Profesori Jani Marka u shpreh se kryeministri ka pikëpamje të djathta, por kjo deklaratë i dogji dyshes Tare-Fico të cilat u hodhën përpjet për të reaguar.
Si ish gruaja e kryeministrit Rama, tani e dashura e Ministrit Bledi Çuçi, znj. Delina Fico i është kundërvënë përfaqësuesve të shoqërisë civile madje duke i thënë se ishte e gatshme që t’i hidhte salcë studentëve apo aktivistëve. Përplasjen me pedegogun Jani Marka, Fico nuk e ka kapërdirë dot…
Marka: Ju keni konflikt interesi në këtë gjithë debat që po ngreni..(Min. 34:50)
Fico: Pse kam konflikt interesi unë?
Marka: Ti ku punon, yt shoq ku punon, yt shoq çfarë është?
Fico: Ejj ti dëgjo…
Tare: Mos i llogarisni gratë në karrierë, mos i krahasoni me burrat se është banale…
Fico: Dëgjo more, unë i kam bërë protestat dhe kam përfunduar nëpër policira në kohërat kur vërtet dhunoheshe, jo në kohërat kur protestat projektoheshin në kafe dhe pastaj ngriheshe nga kafja, shkon bën gjestin dhe kthehesh prapë në kafe.
Tare: Jani prit ta sqaroj Delina atë të konfliktit të interesit..
Fico: Është e vërtetë që unë bashkëjetoj me një ministër shteti të kësaj qeverie. Po qe se do kisha ndonjë kompleks për këtë gjë, nuk do vija këtu në bisedë. Por unë nuk ekzistoj prej ministrit dhe njerëzit që më njohin e dinë që kam që në vitin 1994 që jam aktive në shoqërinë civile. Janit i sugjeroj të mos merret me teori konspiracioni.
Tare: Ka disa zonja dhe disa burra në këtë vend që kanë kontribut në jetën publike para se të kishin burra dhe gra respektive. Do ishte mirë që të mos sulmoheshin poshtë moralit. (Min. 45:25)
Marka: Konflikti i interesit nuk është sharje, unë hapur fola.
Tare: Në rastin konkrret nuk është konflikt interesi, sepse Delina nuk i mban sekret mendimet e veta.
Më poshtë keni disa foto të bëra gjatë emisionit, ku shihet qartë ekstaza e Delina Fico, e mbështetur nga shoqja e saj Ilva Tare:
