Drejtoria e Burgjeve është duke përgatitur një amnistri me rastin e festave të fundvitit. Lajmin e bëri me dije sot ministri i Drejtësisë, Ylli Manjani teksa foli në Komisionin e Integrimit.
Pritet që të lenë qelitë e burgut rreth 400-500 të dënuar. Sidoqoftë ministri i Drejtësisë shprehu rezerva për amnistinë.
“Nuk besoj që amnistia është zgjidhja e problemit. Amnistia është zgjidhja e dy muajve, pra dy muajt e parë të vitit të ardhshëm ju mund t’i zgjidhni me amnisti dhe ne po e përgatisim, por nuk është kjo zgjidhja. Duhet të ndryshojmë mentalitetin e ndjekjes penale, apo siç na pëlqen ta themi, duhet ta “Europianizojmë”. Mua më pëlqen të them të jetë efiçente. Kjo është ajo që po përpiqemi të krijojmë, patjetër bashkë dhe me një amnisti”, tha Manjani.
