Dy të rinj kanë gjetur vdekjen në një aksident rrugor në Tiranë.
Policia bëri me dije se viktimat janë të rinjtë shtetasit me iniciale Kejdi Halili, 21 vjeç dhe Ergi Dini, 22 vjeç.
Sipas policisë, këta shtetas po udhëtonin me një motor pranë urës së “Bllokut” në Bulevardin “Bajram Curri”, teksa drejtuesi ka humbur kontrollin e mjetit, duke u përplasur për tokë.
“Drejtuesi i motorit dhe pasagjeri u dërguan menjëherë në S.Q.U. në gjendje të rëndë shëndetësore.
Dy shtetasit që udhëtonin me motor, të identifikuar me inicialet, K. H., 21 vjeç dhe E. D., 22 vjeç, rreth orës 21:50, kanë ndërruar jetë në Spital, si pasojë e dëmtimeve të marra”, sqaron policia. Grupi hetimor në vendin e ngjarjes po kryen veprimet hetimore.
