Djali i kryetares së degës së PS-së në Barmash u godit ditën e sotme me sende të forta dhe dërgua në spital pasi mori plagë të rënda. Lidhur me këtë konflikt të ndodhur në Barmash, policia ka nisur procedimin penal për dy persona.
Gledis Zaçen dhe Artan Lukun, 43 vjeç, banues në Durrës. Zaçe dhe Luku janë konfliktuar fizikisht për motive të dobëta rreth 30 metra larg një qendre votimi në fshatin Barmash. Zaçe është djali i kryetares së PS-së për degën Barmash.
Komunikata e Policisë Korçë:
Gjithashtu ju bëjmë me dije se, gjatë ditës së sotme nga ana e specialistëve të Seksionit për Krimet në Komisariatin e Policisë Kolonjë, u referuan materialet në Prokurorinë e Rrethit Gjyqësor Korçë, për shtetasit : – Gledis Zaçe, 25 vjeç, banues në fshatin Barmash – Artan Luku, 43 vjeç, banues në Durrës Procedimi ndaj tyre filloi pasi, dyshohet se më datë 20.11.2016, në orën 12:30, rreth 30 m larg Qendrës së Votimit nr 4024, në fshatin Barmash, këta shtetas pas një konflikti për motive të dobëta, janë konfliktuar fizikisht me njëri¬ tjetrin. Nga ana e Policisë, është bërë shoqërimi i të dyja palëve në Komisariat dhe nga marrja e deklarimeve respektive të tyre, rezulton se shtetasi Artan Luku e ka goditur shtetasin Gledis Zaçe, me grushte në pjesë të ndryshme të trupit duke i shkaktuar dëmtime të lehta trupore. Ndërsa ky i fundit, si pasojë e përplasjes fizike i ka thyer shtetasit Artan Luku, një palë syze optike në pronësi të tij. Materialet në ngarkim të tyre i kaluan Prokurorisë, për veprat penale: “Shkatërrim i pronës” dhe “Dëmtime të tjera me dashje”.
