Një tjetër denoncim vjen nga opozitës për zgjedhjet që janë zhvilluar sot për kryetarin e Bashkisë në Kolonjë ku kandidojnë Ilia Stefo nga koalicioni i majtë ASHE dhe Dritan Hajro nga koalicioni i djathtë.
Denoncimi është bërë me zë e figurë. Në një video të publikuar në rrjetet sociale, një qytetare thotë se i kanë ofruar 25 euro që të votojë për kandidatin e majtë, por në fakt ajo jep vetëm konfirmimin kur pyetet nga komisioneri i PD.
Nga ana tjetër videon e ka publikuar edhe vetë kandidati i majtë Ilia Stefo, i cili thotë se këto janë justifikime për humbjen e merituar.
