Unioni i të Përndjekurve Politikë ka dënuar shfaqjen e sotme të Kryeministrit Edi Rama në përurimin e bunkerit të komunizmit në oborrin e Ministrisë së Brendshme. Përmes një deklarate për mediat, Unioni i të përndjekurve politikë i ka kërkuar Kryeministrit që të mos bëjë politikë me historinë e periudhës së errët komuniste, gjatë të cilës kanë vuajtur shumë familje shqiptare.
“Poshtërimi i kundërshtarit politik nuk ashte fitore; ashte shkaterrimi i gjysmes shqiptare qe mendon ndryshe zoti kryeminister. Ti sot e rrethove vendin me ushtri dhe polici, ti sot deshe të justifikojsh paret e taksa paguesve shqiptare dhe europian per bunkerin..
Por u gabove zoti kryeminister , ne dhe dhe pse ju ishit te rrethuar me police e ushtare ne të ç’veshëm dhe ta shkatërruam festen e bunkerit tend. Mbi kokën tende valëvitej fotua e poetit martir Havzi Neles , ku ju mbani përgjegjësi dhe si familje, por dhe si parti qe varet poetin kur europa thyente muret e bunkeret.
Të jeni më se i qarte zoti Kryeministër se ju nuk mund të mbroni simbolet e komunizmit duke përdorur fotot e martireve te lirise. Fati i bunkerit tënd do të ketë fatin që patë shtatorja e diktatorit. Një shtet dhe shoqëri nuk mund të ndërtohet mbi padrejtësinë siç vepruat sot ju zoti kryeministër”– thuhet ndër të tjera në deklaratën ish-të përndjekurve që mban firmat e Besim Ndregjonit, Adem Allçit, Agim Mustës, Shik Stërmasit, Demir Pojanit dhe Murat Protoduarit
