Një trup i pajetë është gjetur paraditen e sotme në zonën e Kasharit në kryeqytet. Informacionet paraprake bëjnë të ditur se trupi është gjetur pranë ish-repartit ushtarak në zonë.
Nuk dihet ende identiteti i viktimës, por dyshohet të jetë një mashkull rreth të 40-tave dhe mendohet se mund të jetë vetëvrarë. Policia konfirmon se pranë trupit të pajetë u gjet një armë kallashnikov.
Gjithësesi, policia ka mbërritur menjëherë në vendngjarje për të kryer procedurat e nevojshme për identifikimin dhe shkakun e vdekjes.
