Prokuroria e Tiranës ka dhënë sot pretencën për administratoren e kopshtit “Diren” në Sauk që akuzohet për dhunimin e 3 fëmijëve. Prokuroria ka kërkuar 4.6 vite burg për Anjeza Shabanin, e cila do të përfitojë edhe nga gjykimi i shkurtuar.
Tashmë pritet vendimi i gjykatës pas kërkesës së prokurorisë, por Shabanit pritet që t’i ulet 1/3 e dënimit.
Në seancën e sotme gjyqësore ku u kërkua masa e dënimit nga prokuroria, avokati i saj kërkoi një dënim më të ulët duke deklaruar se Anjeza Shabani ka shfaqur pengesë për veprimet e saj.
Shabani u filmua duke dhunuar një fëmijë 3-vjeçar, i cili pati pasoja të rënda për shëndetin pas dhunës.
