E mbani mend policin e Bashkisë së Tiranës që u akuzua nga aktivistët muaj më parë pasi dhunoi nje protestuese në parkun e Liqenit?! Mbrëmjen e djeshme ai u plagos me thikë nga një i moshuar i dënuar edhe më parë. Policia e Tiranës ka arrestuar Bujar Shehu, 54 vjeç pasi ka goditur me thikë një efektiv të policisë bashkiake.
Njoftimi i policisë:
“Më datë 16.11.2016, rreth orës 21:00, ka ardhur një telefonatë në numrin e emergjencave 112, se në rrugën e “Kavajës”, në oborrin e Policisë Bashkiake, një person me thikë, po konfliktohet me punonjësit e Policisë Bashkiake”, thanë burimet zyrtare.
Menjëherë kanë shkuar Shërbimet e Komisariatit të Policisë Nr. 2, të cilët kanë bërë të mundur neautralizimin dhe arrestimin në flagrancë të shtetasit: – Bujar Shehu, 54 vjeç, banues në Tiranë, i dënuar më parë për “Kundërshtim të punonjësit që kryen një detyrë shtetërore” Ky shtetas dyshohet të ketë qëlluar disa herë me thikë punonjësin e Policisë Bashkiake, shtetasin Dritan Hardhia, 37 vjeç, duke i shkaktuar dëmtime në trup. Në cilësinë e provës materiale u sekuestrua:
– Një thikë me mbishkrimin “LORD Stainless”. Efektivi i policisë bashkiake ndodhet në ambientet e S.Q.U., jashtë rrezikut për jetën.
Materialet i’u kaluan Prokurorisë Pranë Gjykatës së Shkallës së Parë Tiranë, për veprat penale “Vrasje e ngelur në tentative” dhe “Prodhimi dhe mbajtja pa leje të armëve të ftohta”, parashikuar nga Nenet 76¬ 22 dhe 279 të Kodit Penal.
Hardhia është polici që goditi një protestuese që ishte kundër ndërtimit të parkut tek Liqeni Artificial i Tiranës disa kohë më parë . Ky më lart është polici i fotografuar me kreun e Bashkisë Erion Veliajn, të cilin kryebashkiaku tha disa kohë më parë se ishte dhunuar nga protestuesit te Liqeni. Për të njëjtin person, aktivistët që protestojnë për ndërtimin tek Liqeni, e akuzojnë se ka përdorur dhunë mbi protestuesit.
