Nga Boldnews.al
Përgjimi i një ministri të qeverisë “Rama” ka bërë kuriozë shumë njerëz. Në emisionin investigativ “STOP” u zbulua se Ministri i Shëndetësisë Ilir Beqaj është përfshirë në një skandal për shkarkimin e një drejtori rajonal në Tropojë pasi ky i fundit nuk kishte marrë pjesë në Asamblenë e Partisë Socialiste.
Ministri i përgjuar flet për emërimet dhe shkarkimet dhe nga anon balanca e raportit parti-shtet.
Por që emërimet dhe shkarkimet në administratën publike vijojnë të jenë një gangrenë nuk është më diçka e re.
Nepotizimi, klientelizimi dhe korrupsioni janë prezent në çdo emërim të “Rilindjes”.
Por pyetja që kanë nisur të shtrojnë shumë persona brenda qeverisë është se pse kryeministri Edi Rama ka dhënë lejen e tij për publikimin e këtij përgjimi.
Pasi siç dihet tashmë, pronari i Tv Klan, Aleksandër Frangaj, është një nga të përkëdhelurit e “Rilindjes”.
Rama e ka harruar frazën e famshme “Të fala Sandrit”, duke i dhënë këtij fundit të gjitha favoret që ka kërkuar, ndërsa Tv Klan nga një televizion pranë Partisë Demokratike, është kthyer në një Tv kundër Lulzim Bashës.
Kanë qenë të shumta përplasjet mes Bashës dhe Klan, aq sa ky televizion e cilësoi PD-në si një OJF holandeze.
Tv Klan është kthyer kështu në rangun e Top Channel ku çdo lajm me spec kalon nga filtrimi i Endri Fugës.
Pra, publikimi i përgjimit ka marrë konsensusin e plotë të shefit të qeverisë?
Po pse?
Burime të Boldnews.al thonë se Edi Rama pas publikimit të përgjimit do të kërkojë largimin e këtij ministri.
Për arsye që ende nuk dihen (ndoshta korrupsion i përbashkët) kryeministri e ka pasur të pamundur ta largojë nga qeveria ministrin e përgjuar.
Dhe me anë të përgjimit ai do të ketë një gur të fortë kundër ministrit të tij. Gjithmonë nëse lajmi i fryrë me pompozitet nga emisioni “Stop” të mos rezultojë një flluskë.
