Jo pak debate priten të krijohen pas skandalit të publikuar për Ministrin e Shëndetësisë, Ilir Beqaj. Grupi Parlamentar i Partisë Demokratike do të mbajë qëndrim të ashpër në seancën parlamentare të së enjtes për këtë çështje si dhe për atë që cilësohet përjashtim i opozitës nga autoriteti për informimin me dokumentat e ish sigurimit të shtetit.
Burime jo zyrtare thonë se kryetari Lulzim Basha, në mbledhjen e grupit, e konsideroi të pa pranueshëm përjashtimin e opozitës nga ky autoritet. Sipas tij me dërgimin në kuvend të dy kandidatëve të saj, mazhoranca po kërkon përjashtimin e opozitës nga ky proces i rëndësishëm, duke theksuar se për këtë janë informuar dhe partnerët ndërkombëtarët.
Ndërkaq Partia Demokratike të premtën do mbledhë sërish Grupin Parlamentar për të prezantuar një dokument të plotë se si duhet të menaxhohet buxheti i shtetit, bashkë me rekomandime konkrete të cilat do zyrtarizohen në kuvend.
