Qyteti i Kukësit dhe ai i Hasit vazhdojnë të jenë pa energji elektrike që prej 14 orësh. Shkak mësohet të jetë këputja e telave përcjellës në Fushë Arrëz. Nga ana tjetër është raportuar që grupet e avarive të OST-së kanë shkuar në terren për të riparuar defektin.
Nga ana tjetër, Boldnews.al në investigimet që ka bërë ka faktuar tendera të dyshimtë që shkojnë në mbi 1 miliardë lekë të vjetra fornd.
Sipas dokumenteve të Agjencisë së Prokurimit Publik, OSHEE-ja është “kampione” e këtyre tenderëve, ku për çdo javë, drejtuesi Ardian Çela, apo vartësit e tij firmosin dhënien e miliardave në drejtim të kompanive.
Normalisht, me të gjithë këto shpenzime, OSHEE-ja duhet të garantonte furnizim pa ndërprerje, linjë të rregullt. Megjithatë krejt e kundërta ndodh në terren, ku Çela ka kërkuar disa herë rritjen e çmimit të energjisë. Boldnews.al
