Në 2016 u harxhuan 6 milionë dollarë për të luftuar kanabisin në 1260 operacione policore, finalizuar me 400 persona të implikuar.
Drejtori i drejtorisë së Krimeve në Policinë e Shtetit, Skënder Kalemi, i ftuar në emisionin “Debati në Channel One” të gazetarit Roland Qafoku bëri publikë shifrat e operacioneve dhe aksioneve të policisë së shtetit ndaj kanabisit në vend.
Gjatë aksioneve pati 4470 vende të kontrolluara në të gjithë vendin, u vunë në punë 526 automjete, 2 helikopterë, 3 mijë forca policore, u asgjësuan 2.5 milionë rrënjë bimë kanabis, 600 mijë rrënjë të konstatuara në fazën e farishtes, 283 vetë u arrestuan dhe 100 u shpallën në kërkim.
I gjithë ky angazhim i policisë në luftën ndaj kanabisit përgjatë vitit 2016 ka kushtuar 6 milionë Euro, nga 3 milionë dollarë që kushtoi në 2015.
Sipas Skënder Kalemit ka qenë një nga angazhimet më të mëdha trë polciisë që nga viti 1991 kur u konstatua parcela e parë e kanabisit e mbjellë në Shqipëri e deri më sot. Kalemi mbrojti me argunmentete ve ta tezën se konstatimi dhe kontrolli i territorit ka sjellë edhe konstatimin më të madhe të bimëve duke e krahasuar me vitete e mëparshme por sipas tij policia ka bërë një punë të jashtëzakonshme. Vlen të përmendet se tashmë drejtues të lartë të policisë dhe specialistët e saj kanë hartuar një stradegji gjithëpërfshirëse për vitin tjetër që të parandalohet fenomeni i kultivimit dhe përhapjes së kanabisit. Është një stradegji që kërkon më shumë impenjim, më shumë kosto por edhe angazhim të strukturave të tjera të shtetit dhe shoqërisë.
