Institucioni i Presidentit u ankua para Parlamentit dhe kritikoi qeverinë, për sa i përket trajtimit financiar nga buxheti i shtetit, duke paralajmëruar ankimim në Gjykatë Kushtetuese. Sekretari i Përgjithshëm Florian Nuri, kërkoi 20 milionë lek shtesë në buxhetin e presidencës, nga fondet e alokuara në kuadër të buxhetit të vitit 2017.
Florian Nuri: Kjo që them është edhe një qëndrim i Presidentit të Republikës që nëse kjo situatë vijon të mbetet e tillë që nuk adreson një funksionim normal të institucionit të Presidentit të Republikës edhe ne do ta trajtojmë institucionalisht në Gjykatën Kushtetuese këtë ligj që të na mundësojë një funksionim normal
Minsitria e Financës dha dakortësinë për shtesën e kërkuar, por përgjigjen për ankimin në Gjykatë Kushtetuese e dha kryetari i komisionit Fatmir Xhafaj.
Fatmir Xhafaj: Në 2013 buxheti i Presidentit ka qenë 164 mln elkë, tani është 201 mln lekë. Kur ta bëni ankimimin na njoftoni.
Në mbrojtje të presidentit doli Partia Demokratike por dhe Lëvizja Socialiste për Integrim.
Eduard Halimi: Mjafton të hiqni 2 palma nga ato që i alokohen, që po i bëni rrush e kumbulla bën sa gjithë kërkesat që bën Presidenti.
Petrit Vasili: Po kalkuloja me këtë celularin tim nuk dilnin asnjë 140 mijë euro, për këtë do diskutojmë?! Kaq nuk nuk mund të zgjidhen institucionet me njëra tjetrën.
Në komsionin e ligjeve u diskutua dhe buxheti për drejtësinë, ku ministri Ylli Manjani, ishte i kënaqur me shifrën e akorduar, por kërkoi rritje pagash për policët e burgjeve.
Ylli Manjani: Të unifikohet trajtimi financiar i policisë së burgjeve me punonjësit e policisë së shtetit.
Në buxhetin e vitit 2017, parashikohet hapja e nje burgu të ri në Shkodër ndërsa Ministri Manjani tha se kjo do sjellë dhe mbylljen e burgut të Zaharisë në Krujë, në të cilin kryejnë dënimin rreth 500 të burgosur dhe që vuajnë nga çrregullimet mendore. Manjani tha se ky burg nuk ofron kushtet e duhura dhe trjatimet speciale të kërkuara.
