Efektivi i Forcave të Armatosura të Shqipërisë, Gersian Dumi, u arrestua nga policia më 12 nëntor të këtij viti, pasi me një adresë Facebooku false i kërkonte koleges së tij, E.K që të kryente marrëdhënie seksuale me të, në të kundërt do t’i publikonte një video intime të sajën që ai thoshte se e dispononte.
Vënia në pranga e pjestari 23-vjecar it është bërë pranë Vilave Gjermane, në një hotel ku 23-vjeçare i kishte lënë takim koleges së tij. Por e gjitha ishte një kurth, pasi vajza e ndjerë e kërcënuar prej tij, kishte bërë kallëzim në polici. Sektori i Hetimit të Krimeve Kompjuterike ka kryer procedurat e para të hetimit dhe në koordinim me policinë, ushtarja profesioniste ka lënë takim me kolegun.
Gersian Dumi, ka rënë në pranga pikërisht në zonën ku kishte lënë të takohej me kolegen për të shkuar në hotel. Skenari i të riut ndryshoi kur në vend të koleges ushtarake që ngacmonte u përball me efektivat e policisë, që i vunë prangat dhe e shoqëruan në ambientet e izolimit.
Kërcënimi
Dumi ka biseduar disa herë me të dëmtuarën, të cilës i ka bërë edhe komplimente të ndryshme dhe në fund i ka kërkuar të takoheshin e të krijonin një raport seksual. Duke qenë se e dëmtuara, efektive e Ushtrisë, ka kundërshtuar dhe ka vendosur të ndërpresë komunikimin, 23-vjeçari, sipas hetuesve, ka nisur ta kërcënojë. Ai ka pretenduar e kishte foto dhe video intime të koleges dhe e ka kanosur atë se, nëse nuk pranonte të kryente marrëdhënie seksuale me të riun, materialet intime do të bëheshin publike.
