Nuk e di pse ndodh, por çdo zyrë e ka dikë, zakonisht një grua, por ndonjëherë edhe burrë, që është thjesht e/i keq/e. Zakonisht kjo ndodh sepse ajo ose ai ndihen të kërcënuar dhe e vetmja mënyrë që ky person di si të përballet me këtë ndjenjë është duke u bërë i mërzitshëm për të gjithë ata që e rrethojnë. Zakonisht, individi ka punuar në atë vend pune për shumë vite dhe për disa “x” arsye menaxherët e lejojnë atë që të sillet në këtë mënyrë
Disa vite më parë punova në një zyrë ku njëra prej stafit të femrave kënaqej duke më bërë të ndihesh sa më pak i mirëpritur, që të ishte e mundur. Ardhja ime për të punuar në kompani e kishte frikësuar dhe ajo më përjashtonte nga veprimtaritë e ndryshme në zyrë dhe më ulte vlerat përpara pjesës tjetër të stafit dhe menaxherëve.
Isha i tronditur dhe i lënduar nga sjellja e saj. Mendova të përballesha me të për atë që më dukej si një sulm i vazhdueshëm (bulizëm). Por pastaj arrita në përfundim se kishte mënyra më të zgjuara për ta përballuar. Siç i thonë asaj shprehjeje, mbajini miqtë afër, por armiqtë edhe më afër. Kështu, po ju tregoj disa mënyra se si të merreni me “lopën” e zyrës.
Mos e lufto zjarrin me zjarr
Nëse ju përgjigjni thumbave të drejtuara ndaj teje, pra nëse dikush ju bie në qafe, kurrë mos u përfshini në debat ose të ulni veten, duke ua kthyer atyre fjalë të rënda. Nëse e bëni këtë, thjesht jeni duke e ulur veten në nivelin e tyre.
Mbyte me mirësi
Gjithmonë mbani një sjellje të jashtme miqësore në vend që mbani një qëndrim mbrojtës, kur dikush sillet ne mënyrë të përbindshme me ju. Jo gjasme miqësore, por me të vërtetë miqësore. Nëse silleni gjithmonë me edukatë përballë vrazhdësisë së paedukatë të dikujt, mund t’i ktheni ata në aleatë pas disa kohëve.
Ngrijeni çështjen e drejtuesit
Nëse “mësymja” e mirësisë nuk ecën, mund të jetë e udhës që çështjen ta ngresh më lartë. Është mirë ta bësh këtë me mbështetjen e menaxherit të Burimeve Njerëzore. Kështu ju keni një dëshmitar të gjithçkaje të asaj që ka ndodhur, duke bërë një listë të të gjitha incidenteve që kanë ndodhur gjatë të cilave pala tjetër është sjellë në një mënyrë të paarsyeshme. Duhet të citosh shembuj konkretë.
Më tej lë takim me të gjitha palët e përfshira. Kjo duhet të jetë një mundësi për t’u treguar palës tjetër se si ndihesh, përsëri duke cituar shembuj konkretë. Asaj apo atij duhet t’i jepet një një mundësi që të shprehë ndjenjat e saj ose të tij. Ky proces zakonisht e zbut agresivitetin e krijuar nga situata, detyron kundërshtarin tënd të marrë në shqyrtim pasojat e sjelljes së tij ose të saj tek ju dhe e parandalon atë që të sillet me ju përsëri në këtë mënyrë.
Mos e merr me emocion
Kur dikush sillet keq me ju dhe ju nuk keni bërë gjë për ta merituar këtë, mund të t’ju shkatërrojë vetëbesimin. Pyesni veten se nëse keni bërë gjë për ta pasur hak zemëratën e tyre. Por nuk ia vlen ta mendoni këtë, përveç kur me të vërtet mund të keni bërë diçka të pakëndshme për këtë person.
Shiko sjelljen tënde
Të gjithë kemi pasiguri në vete, dhe një pikë të caktuar secili prej nesh është sjellë keq në zyrë, në shkollë, me shokët dhe në shtëpi. Bëni një analizë se përse jeni sjellë ashtu. Kohë më parë më kujtohet se një kolege fillova ta shpërfill tërësisht një koleg, ndërsa isha në vitet e fillimit të punës. Atëherë nuk e kuptoja se përse duke bërë këtë isha duke u sjellë keq (bulizëm), por tashmë e di. Arsyeja se përse e bëra ishte sepse po ia nxirrja asaj fajin për një gabim që kisha bërë vetë.
Veprimet e mia më kanë dhënë njohuri rreth sjelljeve të “k*çkave”, që kam hasur gjatë karrierës sime. Me shumë të ngjarë ato kanë diçka që u vjen turp nga vetja për një arsye ose tjetër dhe duan ta nxjerrin tek ju. Nuk keni pse duroni një sjellje të tillë, por të paktën e dini se nga vjen.
Kështu herës tjetër që dikush sillet keq me ty, mos u kundërpërgjigjni dhe mos e mbani brenda vetes. Merrni masa për ta ndryshuar situatën.
(Përgatiti: Ilir Sinanaj/BalkanWeb) (Marrë nga “The Sunday Mornig Herald”)
