Zyra e propogandës në kryeministri e kishte regjistruar komunikimin që bën Edi Rama çdo të dielë në profilin e tij në facebook. Teksa video transmetohej me pamje nga kryeministria, Rama aktualisht ndodhet në SHBA ku po merr pjesë në Ekspozitën “Marian Goodman” në New York.
Gjatë fjalës së tij, Rama pranon pas 3 vitesh qeverisje se duhet përmirësim duke nisur nga vet ai.
“Unë vetë në rradhë të parë kam shumë gjëra për të përmirësuar në kryerjen e kësaj detyre që e bëj me shumë pasion dhe me besnikëri të plotë ndaj jush, por jo gjithnjë me cilësinë që aspiroj në çdo fjalë dhe në çdo veprim. Qeverisja po ashtu ka ende plot gjëra që duhen përmirësuar.”- shprehet kryeministri.
Dorën e bashkëpunimit Rama thotë se e shtrin për të gjithë, madje edhe për opozitën, që Kryeministri thotë se nuk po bën as rolin e vet.
“Të shtrijmë dorën e bashkëpunimit dhe të kërkojmë ndihmë nga çdo qytetar, çdo komunitet, çdo bashki, çdo universitet, organizatë shoqërore.Do të reflektoj. Çfarë mund të bëj dhe mund të bëjmë ne vetë më shumë që ta ndihmojmë opozitën të futet në rolin e saj.” – përfundon kreu i qeverisë.
Të shumtë ishin komentuesit e komunikimit javor në FB të cilët kanë kritikuar fort ministrat e qeverisë.
https://www.facebook.com/edirama.al/videos/10154184734071523/
