Një ditë pasi avokati i Trump, Michael Cohen, lajmëroi se tre fëmijët më të mëdhenj të Presidentit të ri, – Donald Jr, Ivanka dhe Eric do të kontrollonin atë që ai e quajti si “besimi i verbër”, zëdhënësi i fushatës së Trump deklaroi pasditen e së premtes se treshja do të bënte pjesë gjithashtu në Komitetin ekzekutiv të skuadrës së tranzicionit presidencial.
Në këtë rol, fëmijët e tij do të kenë akses dhe të dhëna te njerëzit që Trump do të zgjedhë në poste të rëndësishme administrative.
Vëzhguesit të cilët ishin kritik në fillim ndaj “besimit të verbër” të Trump thanë se kjo vërteton se kufiri mes Presidentit dhe parave të tij do të jetë shumë i mjegullt nën këtë strukturë.
“Fakti që ata janë përfshirë në skuadrën e tranzicionit tregon se sa i papërshtatshëm është roli i tyre në tejkalimin e hendekut mes tij si biznesmen dhe politikan,” tha Meredith McGehee, këshilltare strategjike në Qendrën Ligjore të Fushatave.
“Është një tregues i qartë që nuk ka mur mes këtyre të dyjave”, shtoi ajo.
Përveç mjegullimit të kufirit midis Presidencës së Trump dhe parave të tij, skeptikët theksojnë se fëmijët e tij gjithashtu do të kenë kontroll mbi njerëzit të cilët do kenë përgjegjësi për vendime rregullatore që mund të ndikojnë gjithashtu pasurinë e tij multi-miliardere.
Kenneth Gross, eksperte politike e ligjit në Skadden, Arps, Slate, Meagher dhe Flom tha se do të ishte në rregull nëse Trump përfshin fëmijët e tij në tranzicion, por rolet e tyre të dyfishta janë problematike.
