Tashmë i dënuar 15 muaj në liri me kusht, reperi i njohur dhe problematik shqiptar, Stresi, nuk ka lënë pa thumbuar ministrin e Rendit, Saimir Tahirin, të cilin ai duket se e ka halë në sy.
Çani duke qenë në dijeni të këtij fakti e provokon me pyetje për Tahirin.
“Është ministër adoleshent, jo vetëm sepse është i vogël, pos edhe nga mënyra se si e organizon policinë, bën sikur çfarë pune të madhe ka bërë, por në fakt nuk ka bërë asgjë”, tha Stresi.
Arkimed Lushaj, ka dy fjalë edhe për policët dhe uniformat e tyre.
“Kam parë sot tek hotel Plazza, që kishin ardhur sot kombëtarja e Izraelit. Uroj që Zoti të jetë me ta, pasi kur i pashë aty, ashtu, më erdhi shumë keq”, tha ai.
Ndërsa për uniformën shprehet: “Respekt për të gjithë ata që e veshin atë uniformë, por mua kjo uniforma turke nuk më pëlqen”.
