Pjesëtarët e komunitetit rom kanë përzënë dhe janë konfliktuar dje me punonjësit e bashkisë së Tiranës dhe madje kanë plagosur një prej tyre, pas zhgënjimit dhe lënies pas dore nga ana e saj.
Mësohet se 30-vjeçari Valjon Pacani kishte shkuar në Tufinë, tek qendra e romëve. Në dëshminë e dhënë para policëve, 30-vjeçari ka deklaruar së është aktivist prej disa kohës në shoqatën “Ecovolis”, dhe pasditen e djeshme ka shkuar pranë banesave te romëve në Tufinë dhe në qendrën e tyre për t’u ardhur në ndihmë punonjësve socialë të bashkisë pas problematikave që ky komunitet pati pas reshjeve të shiut.
Por, gjatë punës së tij, Paçani tha se ishte konfliktuar me dy persona të komunitetit, të cilët ankoheshin se ishin lënë pas dore dhe ishin braktisur në mëshirë të fatit. Konflikti fillimisht ka qenë verbal dhe personat janë larguar për t’u kthyer më pas të armatosur me një kallashnikov, raporton BW.
Sipas policisë Emrah Mustafaj ka qëlluar në drejtim të 30-vjeçarit duke e lënë të plagosur dhe më pas është larguar me shpejtësi së bashku me armën. Sipas policisë dyshohet se bashkautor në krimin të ketë qenë dhe daja i tij Fatbardh Arxhiu dhe miku i tij Marjo Isaj. Të tre personat e implikuar në këtë ngjarje janë shpallur në kërkim nga policia.
