Gjatë emisionit të famshëm të Larry King Show në vitin 1999 Donald Trump i pyetur për luftën në Kosovë ka thënë se ai kërkon të ndërhyhet me trupa tokësorë për t’i dhënë fund luftës në Kosovë.
Ndryshe nga sa është konceptuar deri më tani, Trump është shprehur pozitivisht për Kosovën. Express sjell të plotë këtë deklaratë për Kosovën të Donald Trump, dhënë 17 vjet më parë. “Do të veproja ndryshe, edhe pse e di se do të tringëlloj çuditshëm te shumëkush. Shiko kaosin që kemi shkaktuar në Kosovë. Unë mendoj që ne mund të themi se kemi humbur vetëm disa njerëz. Padyshim se ne ishim 10 mijë metra larg me aeroplanë prej ku po hidhnim bomba. Por shiko çfarë i bëmë atij vendi, atyre njerëzve; sa shumë vdekje dhe vuajtje u kemi shkaktuar. Ne do të duhej të shkonim atje me trupa tokësore, do të kishte vrasje edhe në këtë opsion por më pak. Nuk do të ishte situata kaq kaotike sa është tash. Njerëzit u përzunë nga tokat e tyre, nga territoret e tyre, çdokush po ikën kah po mundet dhe askush nuk po e di se çfarë po ndodh. Janë me mijëra të vrarë”
https://youtu.be/EzTFCte2Qe4
