I ftuar në emisionin “Dritare” të Rudina Xhungës, kryetari i Aleancës Kuqezi, Kreshnik Spahiu ka lënë pa fjalë të pranishmit duke thënë se në krye të vendit duhet të vij Artan Dulaku, pronari i TV, “Vizion +”.
Teksa e ka krahasuar Artan Dulakun me Donald Trump, Kryetari i Aleancës Kuqezi u shpreh se Shqipëria është më mirë që të ketë kryeministër Artan Dulakun.
“Shqipëria ka nevojë për Artan Dulakun që është njësoj si Donald Trump. Vendi ynë duhet të drejtohet nga një biznesmen si Artan Dulaku i cili është pasuruar falë aftësive të tij dhe jo nga politika”– u shpreh Kreshnik Spahiu.
Por këto lavde për biznesmenin Dulaku, duket se ka qënë një tentativë e Kreshnik Spahiut që të fitojë pak kohë televizive në të ardhmen, pra në Vizion +. Kjo pasi Artan Dulaku dhe kompanitë e tij të ndërtimit nuk mund të krahasohen me miliarderin Donald Trump. Ky i fundit e ka ngritur perandorinë e biznesit nëpërmjet aktivitetit privat, ndërsa Artan Dulaku është pasuruar duke përfituar nëpërmjet lidhjeve që ka me politikën miliona euro nga fondet publike.
Tenderi më i fundit është ai i denoncuar nga gazetari i emisionit Públicus, Artan Rama, në një invesitigim të publikuar pak ditë më parë. Ai hidhte dritë mbi shkeljet e kryera në tenderin për ndërtimin e Teatrit Kombëtar dhe sesi firma e Artan Dulakut kishte përfituar në mënyrë abuzive 10 milion euro nga ky tender.
Nga Boldnews.al
