E ndërsa qytetarët kanë nevojë për shtetin pasi janë në kushte të vështira nga përmbytjet, kryeministri Edi Rama u kërkon që të bëjnë kurajo edhe 24 orë, pasi më pas çdo gjë do të shkojë në vendin e vet.
“Gjithçka për të përballuar tërbimin e natyrës me organizim, koordinim, dinjitet dhe mirëkuptimin e qytetarëve. Do të jenë edhe 24 orë të vështira dhe çdo gjë do të shkojë në vendin e vet. Kurajo dhe faleminderit të gjithëve!”, shkruan Rama në Facebook
Ndërkohë, ekspertët e Institutit të Gjeoshkencave paralajmërojnë vazhdim të kësaj situate, ndërsa apelojnë qytetarët të tregohen të vëmendshëm.
Edhe Agjencia Evropiane e Parashikimit të Stuhive, ESTOFEX parashikon se vendi ynë është në kategorinë e parë dhe të dytë të rrezikut, pasi do të goditet sërish nga reshje të shumta shiu, breshëri, erëra të forta, madje nuk përjashtohet as mundësia e tornadove.
