Duket se ish partnerët kanë gjetur mirëkuptimin e njëri- tjetrit.
Angelina Jolie dhe Brad Pitt kanë mbërritur në një marrëveshje në lidhje me kujdestarinë e fëmijëve. E!News raporton se të gjashtë fëmijët do të qëndrojnë në kujdestarinë e Angelinës, ndërkohë që Brad do të zhvillojë takimet me fëmijët, nën kujdesin social. Ndërkohë ajo çka është raportuar, ka qenë shqetësimi i vazhdueshëm i aktores për sigurinë dhe mirëqenien e fëmijëve të saj.
Megjithatë një nga burimet pranë çiftit ka thënë, se ende nuk është zgjidhur gjithçka në lidhje me fëmijët dhe se asgjë nuk është ndryshuar nga marrëveshjet e mëparshme të bëra vullnetarisht nga palët. Të premten e shkuar, Brad, ka bërë një kërkesë për kujdestari të përbashkët të fëmijëve me Angelinën, ndërkohë që ish gruaja e tij kërkonte kujdestari të plotë. Ndërkohë aktori ka qenë nën hetim për një grindje në avionin privat të familjes, mes tij dhe djalit të tyre Maddox.
