Ceremonisë së prezantimit të uniformave të reja të Policisë së Shteti është ironizuar nga deputeti Nard Ndoka i cili ka reaguar lidhur me këtë dhuratë që i bëri qeveria turke.
Nard Ndoka “Do të bëhen burra të fortë policët e shtetit me benevrekët e falura të Erdoganit?!”, pyet Ndoka me ironi në “Facebook”. Ai thotë se shqetësues është kriminaliteti në vend, që nuk zgjidhet sipas tij me uniforma.
STATUSI
Do te behen “burra te forte” policet e shtetit me benevrekët e falura të Erdoganit?! Sot u prezantuan me pompozitet uniformat e reja të Policisë së Shtetit dhe Kryeministri Rama e nisi fjalën e tij duke falenderuar presidentin turk, Erdogan. Më shumë sesa ky detaj, mua më shqetëson në fakt diçka tjetër: Situata e kriminalitetit në vend. Ka përditë ngjarje të rënda, vrasje e grabitje, për të mos folur pastaj për kultivimin dhe trafikun e drogës. A zgjidhen këto probleme me uniformat e reja të policisë, të falura nga Erdogani?! A e ndajmë dot policinë nga politizimi? Këto janë problemet të cilat duhen zgjidhur, pastaj le të promovojme edhe benevrekët e falur, e te kujtohemi për falenderimet e udhëheqësve të huaj, te cilët janë problematik me demokracinë në vendet e tyre!
