Ashtu siç pritej, Ilir Meta është rikonfirmuar kryetari i ri i Lëvizjes Socialiste për Integrim, duke marrë 76 % të votave të anëtarëve të kësaj force politike.
Në një konferencë për mediat, LSI tha se morën pjesë në votim 42 mijë e 300 anëtarë të regjistruar.
-Ilir Meta mori 31 815 vota ose 76 %
-Përparim Spahiu mori 5165 vota ose 12.1%
-Shezai Rrokaj mori 4982 vota, ose 11.9 %
Në ndryshim nga kryesocialisti Rama, Ilir Meta ka humbur 24 % të votave, ndërsa kreu i PS-së kur kandidoi kundër Maqo Lakrorit mori 99 % të votave.
Në këtë mënyrë, LSI-ja ka mbyllur farsën e zgjedhjeve brenda saj, pasi askush nuk besonte se do të kishte surpriza.
