Artan Hoxha, punonjësi i karburantit që mbeti i vrarë dje nga personi që e grabiti është përcjellë në banesën e fundit.
Ndërkohë, dëshmitari që ka parë momentet e vrasjes, A. Katiraj, ka rrëfyer sot në një intervistë për “News24” se si u vra babai i dy fëmijëve.
“Isha brenda në dyqan kur ndodhi grabitja. Një person me motor të kuq erdhi drejt dyqanit. Artani dhe kamarieri ishin ulur jashtë. Personi tha: “Kjo është grabitje, lekët lekët”. Autori me skafandër qëlloi mbi Artanin dhe mori paratë. Pas 5 minutash erdhi patrulla e policisë, ndërkohë Artani ndërroi jetë rrugës për në spital”.
44-vjeçari nga fshati Gjashtë i Sarandës, punonte për të mbajtur familjen e tij, e cila jeton në kushte të vështira.
Nisur nga kushtet e vështira ekonomike, dhe sëmundja e vajzës së mitur, Hoxha, ishte detyruar në punësonte në lokalin e këtij karburanti edhe djalin e tij 21 vjeç, Denisin.
Të dy, babë e bir, ata duhet të siguronin të ardhura për të bërë të mundur blerjen e ilaçeve dhe trajtimin mjekësor të të voglës në familje.
