Vjedhjet janë shtuar shumë së fundmi.
Me sa po shohim përditë në media, hajdutët që vjedhin kryesisht nëpër dyqane janë shtuar me ritme të larta.
Rasti më i fundit është raportuar në redaksinë tonë nga një dyqan në Durrës. Një djalë i ri është paraqitur aty si klient, gjasme i interesuar për disa rroba fëmijësh.
Ai duket se si po sheh disa rroba pranë banakut. Në një moment ai i kërkon shitëses t’i tregojë një komplet tjetër dhe kur ajo shkon ta marrë, ai pa më të voglin turp zgjat dorën dhe i rrëmben tabletin, raporton JOQ.
Më shumë se sa për vlerën e aparatit, shitësja është shqetësuar për të dhënat dhe informacionet që mbante aty.
Një rast i mirë ky për të na kujtuar të gjithëve që të përdorim shërbimet “cloud” për ruajtjen e të dhënave që mbajmë ne celular apo tablet.
