Policia Rrugore ka bërë të ditur shifrat e gjobave dhe arrestimeve gjatë 24 orëve të fundit, për personat që kanë shkelur rregullat e qarkullimit rrugor.
Në videon e shpërndarë për mediat nga Policia e Shtetit, është një shtetas i huaj që është vënë në pranga sepse u kap i dehur në timon.
DIALOGU
Polici 1: Testi i parë që kemi kryer është 0.87 mlg/litër që do të thotë se është një nivel shumë i lartë i testit të alkoolit. Duhet të bëjmë një test të dytë
Qytetari: S’ka problem
Polici 1: …Për të parë nëse jeni nën ndikimin e alkoolit për të drejtuar makinën ose jo.
Qytetari: S’ka problem!
Polici 1: Më falni, mund të bëni tjetrin.
Qytetari: Sigurisht!
Polici 1: Faleminderit!
Polici 1: 1,2,3,4,5 perfekt faleminderit!
Polici 2: 0.88 mlg/litër tani
Polici 2: Është në rritje.
Polici 1: Në këto momente me të dyja testet që kemi bërë, duhet t’ju shoqërojmë në stacionin e policisë.
Polici 1: Do t’ju mundësojmë edhe një përkthyes.
POLICIA RRUGORE GJATË 24 ORËVE TË FUNDIT
Gjatë 24 orëve të fundit në të gjithë territorin e vendit janë arrestuar 4 drejtues mjetesh, nga këta:
-2 drejtues mjetesh në gjendje të dehur,
-2 drejtues mjeti pa Leje Drejtimi.
Po në këtë kuadër janë pezulluar 35 leje drejtimi, nga të cilat:
-6 Leje Drejtimi për drejtim mjeti nën efektet e alkoolit,
-21 për shpejtësi tej normave të lejuara dhe parakalime të gabuara.
-8 për semafor e shkelje të tjera.
Janë vendosur 177 masa administrative për mos vendosje të rripit të sigurimit.
-243 masa për shpejtësi tej normave të lejuara dhe parakalime te gabuara.
-Janë vendosur 44 masa për mos vendosje të kaskës mbrojtëse,
-46 masa për përdorim të celularit gjatë drejtimit të automjetit.
-Si dhe 1.112 masa për shkelje të ndryshme të Kodit Rrugor
