Qeveria do të subvencionojë drejtuesit e makinave të vjetra, për të blerë automjete të reja.
Shkak për këtë skemë financimi, që aplikohet për herë të parë në Shqipëri, thuhet se është ndotja e ajrit. Duke qenë se makinat e vjetra rritin ndotjen, qytetarët nxiten të blejnë makina të reja dhe qeveria pritet të shpërndajë para, menjëherë sapo vendimi të kalojë në mbledhjen e qeverisë.
“Për të nxitur drejtuesit që të blejnë automjete të standardeve të fundit dhe të teknologjisë së fundit, është e rëndësishme të ketë një mbështetje financiare, që të mos blejnë automjete të përdorura, me shkarkime të larta të ndotësve në ajër. Kjo nismë është parashikuar për rreth 15 mijë përdoruesish automjetesh, si dhe ka një vlerë rreth 15 milionë euro”, tha Laureta Dibra, përgjegjëse e Sektorit të Ajrit dhe Ndryshimeve Klimatike në Ministrinë e Mjedisit, gjatë një interviste për Top Channel.
Është e qartë se biznesmenët e makinave të reja do të përfitues direktë nga kjo skemë.
