Policia Kufitare në bashkëpunim me Specialistët e Seksionit për Narkotikët ka sekuestruar 180 kg marijuanë në Portin e Durrësit të cilat ishin destinuar për në Itali.
Sipas të dhënave zyrtare është vënë në pranga 28-vjeçari Altin Avdurramani, banues në Lushnje.
Mbrëmjen e djeshme në Portin e Durrësit, gjatë kontrollit të ushtruar në vijën e dytë në automjetin tip kamion me targa AA 537 HL dhe trailer me targa ACR 057, që drejtohej nga shtetasi i lartpërmendur, në brendësi të dy sarbatorëve të karburantit u gjetën dhe u sekuestruan në cilësinë e provës materiale:
• 165 pako me rreth 180 kg lëndë narkotike e dyshuar e llojit Marjuanë.
Materialet i kaluan Prokurorisë së Krimeve të Rënda Tiranë për veprime të mëtejshme për veprën penale”Trafikimi i narkotikëve” e mbetur në tentativë.
